ما أسهل كلام الحب تنطق(أحب) شفاتك =وما أصعب حقيقة هالشعور لا صار كله كذبه
جاملتني بأحلى وهم وكل المشاعر جاتك=أبحرت بي لأبعد مدى في بحرنا بو غبه
الله يجازي نيتك وإنت الكذب في ذاتك=(كذاب) مايفرق معك إنسان وإنت تحبه
تمشي وتهدي بسمتك للكل في نظراتك=تصيب من ودك تصيب .لا مايهمك ذنبه
همك تحقق غايتك ترضي هوى رغباتك=قلوبنا كنها ثياب, ولا ضاق ثوبك ذبه
تجرح لأنك منجرح وتزيد في طعناتك=تخفي مشاعر من زمن كانت مشاعر عذبه
قلبك تعطل هاجسه .ضاعت معه هقواتك=ماعاد يشعر ما يحس لوني قريبه جنبه
جماد لا والله عديم إحساس من زلاتك=ويلين لي حتى الحجر لامن بديت اسبه
تزيديني جرعة حزن دايم وذي عاداتك=تفرح ليا شفت الهدب بدموع عيني رطبه
ذنبي معلق بك ترى يمشي مع خطواتك=وجروح قلبي من يدك ماحصلو لي طبه
برحل عسى تلقى عشق يروي الضما بشفاتك=ويزرع هواه بخافقك ثم يهجرك ويشبه
يغريك بألوان الفرح ثم تبتدي عبراتك=لا دار لك ظهره وقال( آآآسف تراها كذبه)