السلامے عليكمے ورحمهے الله وبركاتهے
قصيدة اعتذار تعور القلب من إبن عاق لأمه ... لكن .......للأسف بعد فوات الاوان
[لا يسمح للزوار بمشاهدة الروابط. اضغط هنـا للتسجيل...]
يا يمّه .. ماانتهي جيتك وطالب منك الغفران
أقبّل قاعة أقدامك واغسلها بدمعاتي
يا يمّه .. كل مافيني يناديلك أنا ندمان
طلبتك؟.. قولي سامحتك وردي لوجهي بسماتي
أنا أدري قلبك الطيب كسرته بصدمة النكران
غلطت .. وغلطتي هذي تعير كل غلطاتي
تشوفي الشيب يا يمّه ترى ماجا وأنا فرحان
وربي إلي رفع ذاتك ونزّل للردى ذاتي
فقدت الراحة من بعدك .. فقدت الطيبه والحنان
بدونك .. راحتي غاية بدينك هذي راحاتي
أنا بعدك ولا حاجة أنا بعدك ترى عميان
أشوف .. ولا أشوف إلي يوريني مساواتي
أنا وسيد الشّقى والهم من بعدك غدينا أخوان
يجيب هموم هالعالم .. ويرميها بمتاهاتي
صدقتي .. يوم قلتيلي تدين اليوم بس تندان
رميتك في بداياتي .. ورموني في نهاياتي
أنا من شالك بيده ورماك بأسفل البركان
نخيتيني .. وطلبتيني .. ولا حصلتي نخواتي
مثل ماهنتي بعيوني .. عليهم قلبي يايمّه هان
رموني وضعتهم فزعه .. وأنا الدمعات فزعاتي
يا يمّه لا تظنيني أنا من فعلهم زعلان؟
سواتٍ فيك سويته وسوّو فيني سواتي
يا يمّه .. يالله ظميني ودفيني بهالأحضان
أنا أدري فيك مشتاقه .. وهمك بس ملاقاتي
يا يمّه (حيييييييل) ضميني أبي أرتاح أنا تعبان
تعبت أهرب من ذنوبي ابيك آخر مسافاتي
أبسمع منك أي كلمه .. لصوتك مسمعي ولهان
أبسمع (يمّه) بصوتك أبذكر فيها نشواتي
أشوفك ساكته يمّه ؟!!.. غفيتي ولا أنا غلطان؟
غفيتي يا بعد عمري؟.. تعبتي من مواساتي؟
يا يمّه طالبك قومي .. إذا لي في عيونك شان
أشوف الموت بعيونك .. عساها تخيب هقواتي
تعالوا يا بشر شوفوا أنا محتار أنا تلفان
أنا أمّي مدري وش فيها أنا مدري أنا أحاتي
شنو ؟؟ أمّي أنا ماتت !!! لا لا.. لا ترى غلطان!!!
أنا أمّي ما تخليني على حزني ووناتي
أنا أمّي قلبها طيب ولا يمكن تبكي إنسان
أنا أمّي ما تبكيني .. ولا تتمنى آهاتي
يا يمّه صح ما متي؟ .. وصح الموت تو ماحان؟
إذا متي أنا بعدك أبقضي وين ساعاتي..؟
يا يمّه قومي يا يمّه .. وقولي الموت لا ما كان
أنا جتيم وأنا ناوي أببدي فيك جناتي
تركتيني ومتي ليه؟؟ تركتيني وأنا غرقان؟
ولا مسموح يا وليدي!! .. ولا تلعنك لعناتي!!
أنا الجاني .. وأنا المجني .. وأنا المخطي .. وأنا الندمان
وأنا بإيدي رميتك إيه .. وبعثرت أهم ملفاتي
وجيت من الهنا مفلس .. وقلبي من الضنا خسران
تركتيني على ناري أعدد فيك زلاتي
ولاني مرضيٍ ربي .. ولاني تابع الشيطان
أنا بعدك ترى مابين نهاياتي وبداياتي
يا يمّه منتهي جيتك وكلي مرتجي غفران
وشفت الناس تلعني .. وتحذرني من الآتي _,___
[لا يسمح للزوار بمشاهدة الروابط. اضغط هنـا للتسجيل...]
لا تغرك الدنيا بما فيها لن يفيدك العمل اذا لم تقبل رأس أمك صباحاً وأنت متوجه الى العمل
لا تبعدك زوجة عن أمك .... لا خير في زوجة تبعد أبن عن أمه .. فكأنها تريك مستقبلك أمام عينيك
أجعل برك لوالديك أهم ما تسعى إليه في حياتك
صدقوني ... صدقوني لن ترغبوا أبدا لأنفسكم بإبن عاق
فلا تصنعوا مستقبل أبنائكم وكرههم لكم بأيديكم
كما تدين تدان
فعلاً كما تدين تدان
آخر المواضيع
10-12-2008, 11:04 AM
رميتك في بداياتي .. ورموني في نهاياتي
النمط المتتابع
