بالهداوه يا دوا المشتاق خذني بالهداوه
لايزيد بك الدلع حتي حدود العنجهيه

لاتخلي بين طرفي والمنام اكبر عداوه
ياجمال اهل البداوه والضفاف الساحليه

احمرار الوجنتين وخد تضفيه النقاوه
مثل ما بدر(ن) كمل تحت العيون الساحريه

بين عيني والحلا في غيرك ستار وغشاوه
مال غيرك في عيوني ياعيوني جاذبيه

كل هذا الكون والعالم بلاشوفك فضاوة
والحروف اللي بلا اسمك مانسميها ابجديه

شوفني ضايق وجرحي منك لاتنساه داوه
قبل مايكون الخفوق في حبك الطاغي ضحيه

يوم انادي لك بصمت الحب بوجود الخلاوه
قلبي المكسور من طول الجفا يفرض عليه

يامشقيني معك ليت انتقاسم هالشقاوه
لين تعرف ماجري وتحس بالإحساس فيه

ياحبيبي ياغرامي ياظنيني ياغناوه
لاتخليني بقايا انسان ومشاعر خليه

دام فيك العطف واحساس الرخا ....خل القساوه
لاتخيرني مابين البعد اوحوض المنيه

اطوي صفحات العتب وافتح معي صفحة صفاوه
ياغلا ( .... ) ثم ( ..... ) دام هالدنيا مديه ...

بالهدواه يابعد عمري عليه بالهدواه
مد لي كفك وصال وخذ معك روحي هديه