مايرد النفس عن درب السخط غير القناعه
و[الرضا حِكمة] تشدّ العزم بالحزن الثقيل


مالنا لاثار موج الهم وإشتد إندفاعه
غير دعوة رب هذا الموج و [الخافق ذليل ]


نوب نضعف لا غزانا الهم وأتعبنا شِراعه
نفقد الحِكمة و [نبحر بالأسى ]من دون حيل


ونوب تِفقِدنا المصايب من بلاويها الشجاعه
ونوب [نخوات الشجاعه] ترمي الخافق قتيل


عايشين بطيب عيش ونشتكي ظُلم المجاعه
في [مظاهرنا سكون] , وفي مخابرنا فتيل


نشتكي ونقول: جرح الوقت يا كبر إتساعه
والحقيقه لاتمايل هالزمن [قمنا نميل ]


ماخذتنا هالليالي .. بين أياديها بضاعه
لين [جيناها عروض] .. وسعرنا جداً قليل


إن وقفنا ماوقفنا .. غير في وجه الجماعه
وإن جلسنا ماجلسنا .. غير عن [ فعل الجميل ]


وإن حكينا ماحكينا .. غير ب فلان ومتاعه
وإن سكتنا ماسكتنا .. غير عن [ حق ودليل ]


تشتكي منّا أخوّة .. أصبحت وهم , وإشاعة
ليه خليتوا [جروحي] .. من فعايلكم تسيل


وتشتكي منّا صداقة .. أصبحت زيف وصِناعة
ليه وقفات الصداقة .. مالقت فيكم [ أصيل ]


وتشتكي منّا مبادي .. مالقت منّا شفاعة
حقّها مُجحف وفينا [ مالقيت ] درب وسبيل..!


هالزمن لو مايطيعك طاوعه وإحذر خداعه
نوب [ تغرينا ] ملامح , وسطها وجه ٍبديل


و الشقا وإن طال غيمه .. تالي الغيم إنقشاعه
ماخبرت الغيم يبقى .. في سمانا [لو يخيل]


و الوجع موجود طبّه .. بس يحتاج ل مناعه
و [المناعه] حزم قلب , وصبر , مع قلب ٍ يشيل


و الزمن وإن زاد قسوة .. يبتسم لك لو ل ساعه
وإن تبسّم لو لساعه إحمد [الرب الجليل]


إبتسامة عقب دمع ٍ .. حرّق الجفن إلتياعه
خير من دمع ٍ [فقد ضحكات] من وقت ٍ طويل


بإختصار :: إرضى بواقع دنيتك وإقبل سماعه
و اقتنع بأحكام وقتك لوغدى [قلبك عليل]




وهذه هي كلمات قد سكنت بي وجلست مع قلبي وعقلي لي افسرها

ولم استطيع ان احرمكم من كلماتها .....

اتمنى ان تنال على اعجابكم واعذروني على غيبتي ولكن انتم بقلبي وعيوووني