يالله مشينا يابنات اليوم مافيها مجال
اما على كوكب عطارد والا في كوكب زحل

ولنهجر المريخ والزهره وتاريخ الرجال
الى متى واحنا ضحية لاهتمامات الرجل

مبرمجين افكارنا واجسادنا ضد الجدال
ومخدرينا في شعارات الأنوثه والخجل

اشوفهم خلف الهوا عشاق وين أم العيال
اللي تعاني من مكانسها وتقشير البصل

لاتكذبون الامر واضح ماعليه أي احتمال
همومكم في البطن تملونه وفي شهر العسل

واذا شبعتم قلتم الله قال والمرسول قال
كن الله اعطاكم حقوق الطبع وانشاء الجمل

ماحد يقول الدين كذبة غير وين الاعتدال
ياللي ثقافاتكم تدرُّج من حياة أبوجهل

تم احتلال الأرض وأصبحنا للاجساد احتلال
شعوركم يحمل شعور الذيب واحقاد الجمل

لوعندكم دم ورجولة ماتخلون القتال
واخواتكم تحت اغتصابات السياسة والدول

صدق أبو الطيب بضربه للقساوة في مثال
اكبادكم اقوى غلاظتها من أكباد الابل

يالله مشينا يابنات نعيش عصر الاعتزال
الى متى واحنا نعاني من سخافات الرجل


رهيب وربي هع هع

منقوووووول