السلام عليكم

قصيده للشاعر / مشعان عتيق
اتمنى تعجبكم


وين انت تحطب للفراق الحنايا
يشعل فتيل الشوق قلبي لهايب

لا يفضح غيابك جروحٍ عرايا
كل شامتٍ يلبس وجوه الحبايب

تعال لو كلك ذنوب وخطايا
مسامحك لو انت ما جيت تايب

صدري سواحل من حطام وشظايا
تلعب بها من كل همٍ هبايب

تضيق في روحي وساع الزوايا
والاربع الجدران حولي نصايب

ما خاب ضني في صدوق النوايا
لامن ضما وجدي تهمى سحايب

همي كبير وما لدمعي بقايا
لامن طفت دمعه تزيد النوايب

صدري شتات اوطان مدن وقرايا
اطلال جدبا . والمنازل خرايب

تزاحم بقلبي رماح الرزايا
لاخطاه رمح غيره كثير صايب

تصفّح طعوني عيوني مرايا
وتهتاش في ضبي احتمالي مصايب

عطيت حزني من سنيني هدايا
وخاويت جرحي من زمانٍ قرايب

ان جيت جب لي من حطام الحنايا
ما يستر رماحك الى وين غايب

كل ما بي طعون لعيونك سبايا
اطلق سراح القلب وش لك بشايب ؟

هذي ضلوعي بالمواجع ملايا
لا طاب جرح ولا طفت بي لهايب