هذا قلبي ما تجرأ أي إنسان ٍ يهينه
خبّريني كيف أبرضى منّك اليوم المهانه ؟
صدق كنتي لي حبيبه وصدق قلبي تملكينه
وصدق لك في ذات قلبي عزّه .. وقدر .. ومكانه
بس آسف .. / إلا نفسي هي علي حيل ٍ ثمينه
وما أضحّي بالكرامه لو بمقدار البنانه
وكان حبّك .. ضرّ قلبي . / لعنبوا الحب وسنينه
ولا يهون بيوم قلبي أو يقلّ بيوم شانه
اسمي [......] يا بنيّه وهذا إسمي تعرفينه
ما اتزحزح لو تزحزح كل كوكب من مكانه
حي ّ باقي لو بصير لوحدي بهذي المدينه
حي لأن الحب فيني ساسه إخلاص وأمانه
ما يموت الخافق اللي منّك يون ّ بأنينه
ولا تموت الروح .. [ حيّه ] لو تصدي يا فلانه
إيه ..! ! فلانه .. / ماني قادر أنطق بإسمك وأهينه
[ فمّي اللي لا نطقت بإسمك توسّخ لسانه ]
دام هذا طبعك وهذي علومك ياللعينه
أسأل الله لحبيبك لو وقع بك الإعانه
أما قلبك ما بجوفه مثل أول ياسمينه
مابه الا جذر علقم زاد قلبك به شيانه
{ لا يغرّنك غرورك أقسم بربّي ويمينه}
{ كمّ فارس شاف نفسه وطاح من كبوة حصانه }
وهذا شطر ٍ ودّي بس منّك للحظه تفهمينه
ماهو قلبي ../ اللي يتقبل الإهانه في زمانه