هيه انتي من جلستي وانتي فيني تحدقين!!
كن ما به ناس غيري بهالكراسي يجلسون
.
لو سمحتي عاد اسمعي وحتى لو ما تسمحين
المهم اللي بقوله تسمعينه ويسمعون
.
ع الأقل ليا نظرتك سوي روحك تستحين
غضي طرفك مثل غيرك خوف ربعي يلمحون
.
الركادة عاد زينة والحياء في البنت زين
وفيك اجزم لا ركادة ولا حياءٍ يذكرون
.
تعرفيني؟ أعرفك؟ مذكر إنا ملتقين!
لا أعرفك من تكوني ولا تعرفي من أكون
.
وإطمأني أن كان قصدك بس فيني تشبهين
ما هو أنا إلي تعرفيه والبشر يتشابهون
.
ما دريتي من التشابه يخلق الله أربعين
وأعرف أربع يشبهنك بس والله يستحون
.
وإن كان قصدك شي ثاني عاد قولي وش تبين
خايف إنا نصير فرجة وإلي ماشتروا يتفرجون
.
وإذا ع البال عاجبتني لا يحوشك تحلمين
صدق ربعي من جمالك فيك صارو يمدحون
.
بس وشلي في حلاتك دام فيها ترخصين
حشمة البنت وحياها والكرامة يلفتون
.
ولو توفر فيك هذا مع حلاتك تبشرين
ما هو أنا ألف غيري باب بيتك يطرقون
.
وش علامك رغم كل اللي أقوله وتسكتين
مو طبيعي هالسكوت وهالبرود وهالسكون
.
إنتي خرسا أسألك ولا مانك تسمعين
قالوا ربعي ذي كفيفة قلت لا لا تمزحون
.
لين شفتك يوم رحتي يمسكونك من اليدين
ما دريت إلا عيوني أربع أربع ينزفون
.
آه ياني منه مشهد يوم شفتك ترحلين
جيت اشوف عيون ربعي لقيت كل يدمعون
.
قلت سنّة هالحياة وحنا ترانا مؤمنين
الله اللي مسيّرنّا بين كاف وبين نون
.
وكل أبونا نختلف مع إننا من أصل طين
سبحان اللي مصورنا ولله في خلقه شؤون
.
يعني حنا كل أبونا عاد إسمنا بني ادمين
وليا قضى ربك أمر وقال له كن فيكون
.
فينا يلي رازقه خير رب العالمين
وفينا يلي هو لعطفه بحاجة القلب الحنون
.
وفينا يلي ما شكى من علةٍ كالآخرين
صمٌ وبكمٌ وعميٌ فهم لا يفقهون
.
بس قليل عاد فينا للنعم هم شاكرين
والله يرزق هالخلايق من حيث هم لا يعلمون
.
وتدري عادك يالكفيفة حنا تراى متشابهين
وإن ما عمت أبصارنا لقلوب هم إلي يعتمون
.
يالكفيفة يالعفيفة إن قلت آسف تقبلين
يغفر الله ذنوب عبده ليا خطا وهل تغفرون

منقووووول