كثيرة اشياء ترفع ضغطك
ويمكن ..السكر ايضا
ونفوخك ...يصرخ يقول كافي ..يا ناس ..

ومن هذه الأشياء هي :






أنك تشرب ببسي حار



* أنك تصلي وأنت لابس شراب مشقوق



* أنك تعطي أخوك سيارتك ... ويرجعها والتانكي فاااضي



* أنك تدخل المسنجر .. وما تلقى ألا اللي ماتبيهم







* أنك تناظر مباراة على الأي آر تي وأنواع الحماااس وفجأة ينقطع الاشتراك



* أنك تلعب كوره وأنت حافي .. وتشوت غطا البياره ( اللي مايفهمها ) هي حديده



* أنك تذاكر تذاكر تذاكر تذاكر <-- أخلص .. وبعدين تكتشف أن اللي ذاكرته مهوب داخل معك في الاختبار



* أنك تعطي جوالك لواحد ويرجعه لك والرسايل محذوفه



* أنك تقوم من صباح الله وتروح للجامعة تمشي مليون .. وتلقى الدكتور معتذر



* أنك تقوم الصبح وتلقى معجون الأسنان مخلص



* أنك تَشرق بالماء



* أنك تلعب كيرم وتدخل الخمسين 3 مرات ولاتقدر تدخل الطباقه .. أو أنك تدخل الطباقه والمصقال معه



* أنك معك حزام أسود بالكاراتيه ويدعسك أفغاني



* أنك تغرز بالبر وأنت معك جيب .. ويمر من جنبك ددسن يمشي بشويش ويناظرونك ويضحكون



* أنك تتروش .. وأذا خلصت ماتلقى المنشفه



* أنك تدخل البيت جوعااااان .. وتشوف القدور قدامك وتغرف وأذا جيت تاكل تلقى الرز بارد



* أنك تكتب موضوع طويييييييل ... وأذا جيت ترسله يطس .. مدري وين يروح



* أنك تكلم ويدق عليك واحد ويلقاك أنتظار ويقطع



* أنك تروح الحلاق وينتف شنبك



* أنك تغص ولاتلقى أحد يطق ظهرك



* أنك تتفرج على اجتماع دول مجلس التعاون الخليجي




* أنك تشوف فلم .. وواحد جنبك يقولك القصة



* أنك تمسك خط وتلقى ذباب بسيارتك و تفتح الدريشه ولا يطلع



* أنك تدخل حمام ماله قفل



* أنك تاكل حنيني بارد



* أنكم تلعبون كوره بالبر وتطيح عارضتكم ( باب القوووول )



* أنك تسوي فيها متابع مع الدكتور وتتوهق ويسألك سؤال وماتقدر تجاوب




* وانت متحمس لما تجيك رسالة ولما تفتحها تلقاها فاضية ..






منقووول طبعا






بالنسبه لي انا مايرفع ضغطي
ويجيب لي عفاريت الدنيا
الا لما اكون كاشخه وشايفه نفسي ويجي اخوي يستهبل ويسوي نفسه خفيف دم ويرش علي ماااااااااااي
سخااااااااااااااااافه من قلب



بس أكيد في اشياء اكثر ترفع الضغط

يا الله شدوا حيلكم...!!