من روائع شاعرنا الكبير محمد بن فطيس المري ..


قالها قبل سنتين تقريباً عندما ذهب للعلاج في البحرين عند طبيب العيون الشهير ( مؤمن الريفي )


اتمنى لكم قضاء وقت ممتع مع القصيده




يا مؤمن الريفي انا جيتك زبون
جيتك علي مدح اكثر الناس وعنيت

جيتك و تعالى الله عما يشركون
لولاه يا مؤمن لطبك ما أهتديت

راضي بحكم الله علي مهما يكون
عالج عيوني لو بعد طبك عميت

ودي أخاشر في البصر من يبصرون
وأشوف دربي لاسرحت ولا ضويت

والاِ قنصت اثبت مع الي يثبتون
وأشوف طيري كل ما أوميت ودعيت

ياكثر مايضرب خويي الطبلون
من كثر ما أكلته مطبات وكليت

ودي أشوف الِي علي يعْرضون
وبعض الليالي ودي أسري دون ليت

وأشوف ناس في القفا مايرحمون
أما وقفت لصاحبي ولا مشيت

من دون نظاره ولاهم يحزنون
ياكثر ماكسرت كشمات وشريت

ل كن يادكتور جعلك ماتهون
ابغيك كلمه راس دامك مابديت

أسمع ولا أبغي الي وزانك يسمعون
ربي كتب يكشف لك اسراري وجيت

صوره عديل الروح عندك في العيون
وأخاف تقطعها بموسك ماوعيت

ولا عليك امر اطوها تحت الجفون
وعقبه لو تقطع عيوني ماشكيت

هي راس مالي والعرب مايدركون
أني علي باب الممات وما حكيت

ياقو قلبي يوم قفْن الضعون
ألي علي ذاك الموادع مابكيت

وياصبر صبري والعواذل يحسبون
أني دلهت من الهواا ولا سليت

أسكت عساهم من سكاتي يسكتون
وأنا عن اِلي في ضميري ماأنتهيت

أدور الفرحه معا اِلي يسهرون
وأن ذكروني خذت فنجال وسريت

أخذت من وقتك يادكتور العيون
عالج عيوني لو بعد طبك عميت

وأستر علي واِلي معك لايفطنون
أنت الوحيد اِلي بعد ربي دريت



منقوووووووول...