هاي وهاي وهاي,,, وهاي << عدد نجوم السما<< ايه بدا التفلسف هع..
اقولكم شي صار بثاني يوم العيد الفطر كنت قاعده اتجهز لجمعة بنات << يعني جمعه هبال..خخخ
وكل الموجودين اقل من 35---->> المهم وانا قاعده اسولف انا وبنت عمتي المرجوجه سمعت ؟؟<<يعني قطيت اذاني ..؟؟؟ عن شهر عسل وضحك ؟؟آآه بديت اشك بل الموضوع شهر عسل ..<<يعني في عرس ..آآه<<<يعني فيه...!!!!<<المهم تنحت بس قربت عندهم قدر ما اقدر يقال مبعدين عنا << يقالك يستحون ولا مسوين ثقل <<امحق خخخخخ
المهم عرفت اني زهقتكم بس ااسمعو وشوفو وش قالو ه الحريم بس تكفون الي شاربله شي قبل مايقرا يقراه فل الحم!!!!!!!!؟؟ الله يستر ..خخخخخ
يله ...شمينا>>>>
أولاً ***
تقول الاخت زايراتها للمطاعم مع اهلها كانت قليله
المهم اول ايام زواجها دخلت مع زوجها المطعم قال زوجها للجرسون جيبلي منيو وسألها وش تبين قالت مثلك ابغى منيو زوجها تسدح من الضحك وهي تقول احسبها وجبه او طبق معين
ثانياً ***
وحده كان الخجل ذابحها تقول زوجها كان كل يوم يجيب بهالاكل في الفندق وهي البنت مسويه ما تشتهي وما تحب ومن هالكلام وما غير تناظر فيه وهو يلهط بهالاكل $
وذاك اليوم بالفندق جا الغدا وكالعاده زوجها سالها يلا يا حياتي تعالي نتغدى قالت لا كل انت بالعافيه انا ما اشتهي وهي مييييييته جوع وشبع الرجال ودق الباب ذاك الوقت المهم زوجها طلع وغاب اشوي وهي قالت في نفسها اكيد انه بيطول وما قدرت تمسك نفسها ومن كثر ماهي جيعانه ماسكه الدجاجه بكبرها وتأكل فيها !!! وفي هذه الاثناء وش صار >>> طب عليها عريس الهنا وهي متلبسه بالجرم المشهود ومقبضه بيدينها الثنتين في الدجاجه والفم مفتوح عالااااااااااااااااااااااخر وقال لها ها اشوفك منتي مشتهيه << يلعن الفشله قويه يلله لا تبلانا..خخخ
وهي خلاص دوروها مسكينه ما تلقونها ...هع
ثالثاً ***
في وحده شعرها دايم يحتاجله سشوار مهو بناعم المهم السشوار اخترب مادري وش صار فيه عاد هي ذكاءها قادها لفكره جهنميه وش سوت
راحت على طاولت الكوي وانسدحت وهاتك يا كوي بهالشعر
وبرضه زوجها سوالها صادوه يوم دخل واختنا في الله تكوي منسجمه
الرجال انهبل على بالها تزوج وحده ماهي صاحيه >> ؟؟؟ وش تتوقعون رده.خخخ
رابعاً ***
وهذا موقف لوحده بشهر العسل تقول كنت مسافره خارج السعوديه واشتهيت مطعم عربي الله لايعيدها المهم لقينا مطعم لبناني ورحنا له وحطو لنا طبعاا قبل مانطلب زيتون ومخلل
وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه
مير تطير الزيتونه وتصقع وجه الجرسون وهو ياخذ الطلبات
قام قال عنا في لبنان ناكل الزيتون بايدنا
عاد مير مااسكت وأنثبر
قلت غريبه حنا عنا بالسعوديه نصيدها بالشوكه << كثري منها هذي يوم سمعتها انسدحت ضحك بلالارض ونعم القرونه ياناس..هههه
وماسكها زوجي علي لالحين كل ماشاف زيتون قال هاه بالشوكه والا بيدك خخخخخخخخ
خامساً ***
وحده تقول انا متزوجه ولد عمي
و أول ماتزوجنا رحنا بريطانيا منها شهر عسل ومنها هوا عندو دوره
المهم تقول مره دخلنا المطعم واخذت المنيو وقعدت اناظر الكلام كله انقليزي وانا مااعرف ولا حرف بالانقليزي
تقول هو اختار والجرسون واقف عند راسي يحتريني اختار قالي زوجي تبين اساعدك بالاختيار
قلت ليش طايحه من عينك انا اعرف اختار المهم تقول اخترت طلب محطوط في اطار وحركات
قلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع أهلي
تقول قالها طيب ابشري وهو يضحك ويوم جابو الطلب هو مكرونه وحركات وانا وجبة أطفال <<صدمه كنت بسالها وش كان في الوجبه تشيز برجر ولا نقت فاتتني كان ودي احرجها..ههه>>نذله ههههه
سادساً ***
يقولون فيه وحده تستحي من زوجها بالمرة تضايق الزوج وكلم خواته يكلمونها وكلم أم زوجته كذلك المهم أزعجوها امزحي مع زوجك أمزحي واللعبي وضحكي معه قالت ما أقدر المهم طولوا عليها بالكلام
وفي مرة من المرات وهي مع زوجها سبقها زوجها بينزل مع الدرج قالت فرصه امزح معه شوي علشانه مايشوفني المهم دفته مع الدرج الا وهو في أخر الدرج متشقلب وقاعد يون ويصيح من الألم قالها وش فيك كذا جلست البنية تصيح وتقول كله من أهلك يقولون امزحي معه وهذي أخرتها <<امحق نعومه عاد هذي بذات تشوفونها تقولون النعومه راكبتها من فوق لتحت!! وهي النعومه بطريق وهي بطريق عربجيه على اصوله..خخخخخ
سابعاً **
بقولكم اليوم عن وحده اعرفها او ايام زواجها تقول كنا طالعين واحتجت الحمام مرررررررررره بس مستحيه اقوله وهو شكله ماعنده نيه يروح لمكان فيه حمامات المهم تقول عجزت اتحمل وجلست افكر باسلوب حلو مايخرب برستيجي عنده قلت خلاص بقوله ابغى دورة المياه احسن من كلمة الحمام
تقول وانا ميته من الفشله قلت ابغى اروح لدورة الحمام مادريت الا الرجال يضحك ويقول ياعيني على الاتيكيت >>> الحياء وما يعمل هع
ثامناً
هذي وحده تقول اول ماتزوجت كنت ادرس وكان يوديني زوجي للجامعه وياخذني المهم . .
انا جالسه انتظره وكنت واقفه في الشارع واشوفه بعد كم سياره ... المهم جلست استناه
يوم وصل عندي .. وانا امشي بغنج الا واطيح ذيك الطيحه طراااااااااااااااااااااخ
جلست على ألارض مايشوف الا راسي من عند شباكي جالسه اناظره ولا اتحرك ..
وكان الشارع مليان رجاجيل وبنات
واركب في السياره واهو ميت من الضحك واجلس اصيح قلت ماتعرف تسمي علي !!<< اخس عليه من رجل ..
وأخيراً
هذا الموقف قراته بمجله وحدة تقول اول ماتزوجت طحت عند باب المطبخ وانهبل زوجي وبسم اللة عليك سلامتك حياتي وبعد مرور سنة طاحت بنفس المكان قالها عمى ماتشوفين
ويارب يكون الموضوع اعجبكم صراحه اتحمست اكتبلكم بعد رجعتي من شوقي لكم حبايبي.....
آخر المواضيع
12-02-2007, 09:19 PM
المواقف الي تفطس ضحك,,للعروس باول سنه زواج..<<خخخخ..لا يفوتكم..
رد : المواقف الي تفطس ضحك,,للعروس باول سنه زواج..<<خخخخ..لا يفوتكم..
النمط المتتابع
