|‹‹ مآنسيتك ( حب♥ي♥بي ) لو زمآني نسآني ››|¦♥¦

--------------------------------------------------------------------------------


السلامُ عليكُم ورحمة الله

على الساده المُتصحفين ربط الأحزمه..!!

على بركة الله نبدأ :


أنا بعدك
مثل ورده نمت في آخر البستان
تناسوها ولا أسقوها وحرّ الصيف موّتها

أنا بعدك
مثل قريه خليه مابها سكان
هجرها الماء ولاجاها وسوء الحظ حالفها

أنا بعدك
مثل قصه غريبه مالها عنوان
أضاعوها وكاتبها قضى عمره يألفها

乂乂乂乂

أشتري نار قربك لو بفراقك سعاده
أرهن العمركله لجل أشوفك ثواني
كل ما زاد بعدك زاد حبك زياده
مانسيتك حبيبي لو زماني نساني

乂乂乂乂

‎أحبك

وين اودي شوق قلبي والوله

لوغديت بعيد عني أسمعك
تملك إحساسي وفكري تشغله

ترحل طيوفك وفكري يجمعك
هاك قلبي هاك ليتك تقبله

خذ سنين العمر أوخذني معك
انت تالي الحب عندي وأوله

من يقول اني نسيتك يخدعك

乂乂乂乂

البال ما غيرك من الخلق مشغله
والشوق موجع وأنت ما فيك حيله
مشتاق لك قلبي وإذا ودك إسأله..!!
وش لك ب تطويل الكلام وقليله
من قال لك عذب وليفك وبهذله ..؟!
عز الله إنّه ما كسب بي جميله
بعيد لا أحتجتك قريب ٍ ولا أوصله..!!
كنّك تعلمني وداعك وأجي له..؟!

乂乂乂乂

ياعين لا تبكين خلن فقدتيه
تصبّري وإرجي من الله يجيبه
ما دام هو حي مع الناس شفتيه
لو طالت الغيبه لزوم ألتقي به
قلبي من الفرقى تزايد بلاويه
وعهد علي ما أنسى شرواه وطيبه

乂乂乂乂

الوقت ماله ذنب في ضيقةالبال
أحباب قلبي هم سبب كل ضيقه
خلوني اقضي كل عمري بالآمال
مدري غلاهم كذب والا حقيقه
يحتل قلبي هم وإحساس قتال

乂乂乂乂

بيني و بينك ماتصير التفاريق
مادام حبك كل شي بحياتي
بعض الكلام يجرحني حيل واضيق
وأقابل امواج العتب بسكاتي
لا لا يهمك جميع المخاليق
ما دام أنا ذاتك و أنت ذاتي

乂乂乂乂

أنت عمري لو فقدتك مابقى لعمري وجود
وين أروح بكل حبّي وأنت لأوطانه أمان
مالحبك ياعيوني في طرف عيني جحود
لو نسيتك مابقى لي وسط هالعالم مكان
لو برق شوقك ينادي جاوبه شوقي رعود
أنت كل الناس عندي يا بعد كل الزمان



اختكم

ام حسين

عجبني ونقلته لكم