سلام الله على قبر ٍ حضن في داخله انسان
سلامٍ يترك ايامي حزينة حيل ذبلانه
يضم اللي سكن روحي وتمكن بي غلاه ازمان
يضم اللي سكن عيني وعيني تسكن اعيانه
خذاه اللي خذا غيره وذي حكمة عظيم الشان
يارب انه بجناتك كبير وعالين شانه
اشوفه وين ماشافت عيوني مصعب النسيان
تعب ليل الحزن يبكي وعين الشوق ولهانه
أسامر هاجس الذكرى وروحي ترفض الكتمان
تذوب انجومي في ليلي تذوب انجوم سهرانه
عجز وصف الحزن يلقى طريقه والحزن عنوان
(..........) ياحياه اللي غشاه النور ويمانه
سمعت ان الفراق اللي يعذب هو فراق اوطان
واثاري اصعب الفرقا سنافي فارق اوطانه
فمان الله والموعد ياروحي جنه الرحمان
فمان الله يا(.........)تركت الروح شفقانه