كلن تمنى في حياته أماني .. وأنا أتمنى أمنيه أني أموت..

مظلوم في دنيا بها الله بلاني ..عايش ولكن عايش إنسان مكبوت ..

عايش حزين ما عرفت الأماني ..غصب علي أقبل أنا الظلم بسكوت ..

الحظ ضدي والبشر والزماني.. بأسبابهم همي بدأ يلوتني لوت ..

حسره طوت قلبي وحزن طواني..إلين حزني صار بالصدر منحوت..

حتى حبيبي ..

حتى حبيبي خان حبي وحناني..وحط بفمي علقم وأنا مذوقه توت ..

خان المحبه صار شخص أناني ..وحرم علي حتى أتصل أسمع الصوت ..

مدام صرحي أنهدم مع كياني ..وش تنفع الصرخه إذا فات الفوت ..

أيوب ..

أيوب لو ساعه يكون بمكاني ..ماكان في صبره ترى تكتب بيوت..

الموت أرحم ..

الموت أرحم من حياتي أعاني ..ولا اظن فيه أرحم عليه الموت ..

ياسعد قلبي كان موتي لفاني .. يا زينها لا صار جسمي بتابوت ..

يارب ..

يارب حققلي أنا هالأماني ..أرجيك يا منجي نبيك مو الحوت ..

ومادام مسموحه علينا الأماني ..عندي أمنيه وحده أنا ودي أموت ..


والله أمنيه وحده .. أنا ودي أموت..

: