وين انت ياللي عقبك القلب مجروح؟
،،،،،،،،،،،،،،،،،،،،،،,,,,,,,وين انت ياحامل لوى كل عمري؟


راحت بك الايام واقفيت بالروح
،،،،،،،،،،،،،،،،،،،،،،,,,,,,,روحي معك سلّمت لك كل أمري


ودمي بحبك داخل إعروقي إيفوح
،،،،،،،،،،،،،،،،،،،،،،,,,,,,,وقلبي بعد فرقاك يصلاه جمري


بعدَك وانا بس ارفع الصوت وآنوح
،،،،،،،،،،،،،،،،،،،،،،,,,,,,,ومن حيرتي حار التنفس بصدري


وصوتي من الونات والحزن مبحوح
،،،،،،،،،،،،،،،،،،،،،،,,,,,,,حاولت اكابد وإنقضى كل صبري


علىفراش الهم والحزن مطروح
،،،،،،،،،،،،،،،،،،،،،،,,,,,,,وإليا ذكرتك زاد همّي وقهري


امري على كل البشر صار مفضوح
،،،،،،،،،،،،،،،،،،،،،،,,,,,,,الناس مماصار بالحال تدري


حاولت ابا انسى لكن الصبر مشحوح
،،،،،،،،،،،،،،،،،،،،،،,,,,,,,ما انساك لوّ اشرب من إبحور خمري


عزاي فيك إني على الدفتر آبوح
،،،،،،،،،،،،،،،،،،،،،،,,,,,,,باسرار اسطّرها من ابيات شعري


وآخر كلامي خذ حقيقه على اللوح
،،،،،،،،،،،،،،،،،،،،،،,,,,,,,حقيقة ٍ في داخل الدمّ تجري


إن رحت ياغالي مع الوقت مسموح
،،،،،،،،،،،،،،،،،،،،،،,,,,,,,وإقبل مع الوقت إحترامي وعذري


وإن جيت في قلبي لك الباب مفتوح
،،،،،،،،،،،،،،،،،،،،،،,,,,,,,وأعطيك حُبي وإمتناني وشكري


وإدخل بقلب ٍ عقب فرقاك مجروح
،،،،،،،،،،،،،،،،،،،،،،,,,,,,, يرجيك ياحامل لوى كل عمري


من اروع ما قرئت

دمتم سالمين

اخوكم