السلام عليكم ورحمة الله وبركاته

في اخر مؤتمر عرضت فيه نوكيا تلفوناتها الحديثه عرضت ايضا تقنيه جديده للأتصال وتحت مسمى
Wipree
واكدت فيها شركة نوكيا انه من الربع الثاني لعام
2007
بتنزل هالخاصيه في تلفوناتها


واليبري تقنيه جديده لها نفس ميزات البلوتوث لكن اللي يخليها احسن من البلوتوث السرعه اللي تتميز فيها
واللي هي 1Mbps

بينما البلوتوث 10kbps
ثانيا كلفة تصنيعها ارخص من البلوتوث
ثالثا استهلاكها للبطارية اقل بأربع مرات من البلوتوث
ورابعها يعني تقدر تتصل باكثر من جهه في نفس الوقت يعني تقدر تكون شابك سماعة وشابك التلفون بالكمبيوتر وفي نفس الوقت عندك امكانيه تستقبل فايل من تلفون ربيعك وترسله بعد عالويبري وبدون اي اختلاف فالسرعه يعني باختصار تقدر توصل لأربع جهات في نفس الوقت بدون اي بطئ او تعليق.

طبعا بالنسبه للمدى فهو من 5-10 متر
وتردد الاشعه فيها هو 2.4GHz

ولأنها بتكون رخيصه التكلفه فالتصنيع فبتكون هالتقنية واسعه الانتشار واوسع بكثير عن البلوتوث فبتبدا من التلفونات والكمبيوترات للالعاب والساعات وغيره ...وايضا بتقلل من تكلفة التلفونات .


وخلاص بعد كم شهر ماتقول ارسلي عالبلوتوث تقوله ارسلي عالويبرييي يابو فلان

أتمنى من الله العلي العظيم ان يتم الاستفاده من هالخدمه



منقول