السلام عليكم ورحمة الله وبركاته
زمان ماكتبت اي قصه وامتنعت اني اكتب من وقت طويل
ومن مدة افكر اكتب شئ ؛؛؛؛
واليوم جتني الشجاعه والقوة من يأسي وبكتب شي
اي شي مع الوقت اتمنى انها تكون مثل ماانا ابيها
مادري وش هي القصه او ابطالها مين بس اللي اعرفه
ان في داخلي بركان ابي افجره في اي مكان ؛؛؛؛؛؛
ماراح اقول شجعوني
ولا راح اقول اقروها وابي رايكم
حتى لو مارديتووووو عاااادي
المهم احرق اي شي قدامي بحروفي حتى لو كان قلبي
يوم كئيب من بدايته ؛؛ مثل مثل اي يوم من ايام العطله
الحمدلله ماباقي الا اسبوع وتنتهي هاالاجازه اللي طعهما مثل العلقم ؛؛؛
اكيد طعم العلقم وين قضيتها يعني في البيت مثل كل سنة ؛؛
بس اللي يختلف هالسنه اني قضيتها في بيتنا الثاني
اللي تونا ساكنين فيه ؛؛
بيت كبير بس بارد مافيه اي ذكرى مافي ا ي حلم لي
متى يمر هالاسبوع ونرجع هناك لغرفتي وكياني
ارجع لكتبي وقصصي ومسجلي
اشتقت اقفل غرفتي وامسك رواية اجاثا واضيع معها
اشتقت اانام على سريري اللي الي اليوم مو قادرة افارقه
وكل ليلة من هالعطله انام على هالسرير الشوك
<< كاني اسمع صوت يناديني
يمكن ؛؛ اقول خلوني في غرفتي بلا ازعاج ابوي واخوي وامي واخواتي
عندي أهل بس مو أهلي مقتنعه ان ماعندي اهل ولا ناس
اهلي ابطال رواياتي وقصصي اهلي ماتو يوم هي تر كتني وراحت
انتي وش فيك ماتسمعين تناديك امي ،،
هذا صوت اختي نوال < اختي اللي اصغر مني مدلعه اكثر مني
ورفعت رأسي لها : خير وش فيك الحين ؟
نوال وهي تناظرني : اقولك امي تبيك بسرعه ؟
؛ ليش وش تبي توني مخلص شغل البيت في شئ تبيه ثاني ؟
نوال ونظرات و جهة ماتفسر : روحي لها وانتي تعرفين !
معقوله امي فيها شي مافكرت ولا انتظرت اكثر طلعت من غرفتي
وسمعت صوت اختي تقول ترها مع الوالد في المجلس
رحت جهة المجلس وبس مادري في كل خطوة احس في شي غريب وش هو
مادري وقبل لا ادخل سمعت صوتها وهي تكتم دموعها
خفت وووقفت مكاني , خفت يكون في شي مستحيل ليكون احد من اهلي فيهم شي
امي ماتبكي الا اذا في شئ كبير ,
وقفت و خفت مادري ليه احساس قاتل جاني اصوات واصوات
لازم ادخل واقوي قلبي ولازم ماتشوف دموعي
ابوي وامي اكره ماعندهم دموعي ؛؛؛ يكرهونها ليه مادري
وفتحت الباب ودخلت وعيوني طافت في كل مكان لين استقرت على منظر الوالده
وهي تبكي والوالد جالس يقول اذكري ربك ؛؛؛؛
اذكري ربك << لا المسألة فيها مووووت انا متأكده في حد ماااات بس مين ؟
ضليت جامده مكاني ماني قادرة اتحرك
مابي احد يقول لي مين اللي مات
<< امي امي وش فيك ؟
وقتها انتبه لي ابوي اني موجوده ؛؛؛
ورفع راسه وقالي : يابنتي روحي لبسي عباتك علشان تروحين مع امك ؟
هنا سكت ماقدرت ماني عارفه اروح والا اضل واقفه
<<< ابوي وش السالفه
::: لاحول ولا قوة الابالله ؛؛؛؛ غدير يابنتي يعني اختك ماقالت لك ؟
<<< لا ابوي والله ماقالت شي لي كل اللي قالت امي تبيك ؟ وجيت
ابوي وهو يناظرني نظارات مادري كيف هي : ابو خالد سوى حادث
ناظرته وطالعته بكل استغراب : مين بوخالد ؟
ماتذكر احد عندنا اسمه بوخالد
مخي يفكر مليون في الدقيقه مين بوخالد ماتذكر حد عندنا بنفس الاسم في العائلة
ولا في عائلة امي
وبعد ماشاف حيرتي :: بوخالد ابو ريم العلي ،،،
هنا سكت وناظرته ,,,,, كان ودي اصرخ ريم مستحيل ريم
<<< ا .....ب وي ريم
مادري اشلون مسكت اعصابي وطلعت ومادري كيف وصلت غرفتي ودخلت
وجلست اناظر في كل مكان معقوله ريم كانت في السيارة كانت معها ا بوها
كيف ماتكون مع ابوها وهو توهم راجعين من الرياض
ناظرت نوال واارتجف خافت اختي علي وضمتني ::::
غدير الله يخليك مسكي اعصابك ،،،،،
<<< كيف امسك اعصابي ابو ي يقول ريم انتي ماتعرفين مين ريم عندي؟
هذه امانه عندي هذه اختها ،،، نوال الله يخليك عطيني عباتي وخليني اطلع
خليني اروح لها ،،، اكيد هي مافيها شي اكيد انا متاكده مستحيل تتركني في هذا الوقت
وبكل ثقل الكون ركبت السيارة مع الوالد والوالده وانا احاول اني اتماسك
كيف يبوني اتماسك كيف ؟
كيف وانا رايحه اودع روحي ،،،، لا ،،، كيف اودعها مستحيل جنيت انا ،،،،
ياربي وش هالطريق الطويل ادري ان هالوقت زحمة بس مو كذا خلوني اوصل المستشفي
طول الطريق وانا مغمضه عيوني ساكته انتظر بس الوالد يقول وصلنا
مرت في بالي كل لحظات العمر معها ومع اختها خلود وسلمي
ريم ماراح تتركني مثل ماتركتي رغد
رغد
حروف اسمها مثل حروف اسمي
كنا نتشابه في كل شي
ابتسمت واانا اتذكر الايام اللي انا وهي نقضيها لعب في كل مكان
ولا يقدرون يفرقونا االاوقت النومه
واحيانا من هبالي وهباله ننام في اي مكان هههههههههههه
وينك رغد رفعت راسي للسماء وانا ااقول في قلبي : رغد ابيك جنبي الحين ؟
الله يصبرني واقدر امشي لين ريم واشوفها .
وبكل ثقل الجبال رفعت جفوني وفتحتها على صوت ابوي وهو يقول : يالله غدير وصلنا ,
ونزلت مع امي من السيارة ومشيت وراها وراسي فيه مليون خيال ،
مشيت معها وهي تبكي وانا ساكته
كانهم كانو ياخذوني لجنازتي مو لزيارة صديقتي
ودخلنا المستشفي الكئيب ،،، وقفت في نص الممر وانا اتخلي اليوم اللي جبت فيه جدي من سنين هنا
كنت مع عمي لم جبناه هالمستشفى وصوته وهو يقول :
ولدي خذ غدير وطلعها من هنا هي ماتحب المستشفيات ،،،،
غدير ،،، وش فيك يالله .
ومشيت مع الوالد وطلعنا الدور الثاني
ليه الثاني اللي اعرفه ان الثاني فيه العنايه المركزه
ليه ليه ...........؟
وفتح باب المصعد وطلعت منه ومشيت مع الوالد والوالده
ومن بعيد شفت ناس واقفه امي خذتني معها
ولم وصلنا شفت امي اقصد ام خالد ؛؛؛<< دايم اناديها امي لان رغد كانت تناديها ا مي
وشفتها كيف امي ضمتتها وجلسوو يبكووون ليش طيب وش صار ؟
ولفيت رأسي وشفتها واقفه ساكته خلود ........
ماقدرت اخطي خطوة خلود هنا وسلمي و حنان وام خالد هنا
أجل وين ريم ؟
كلهم طالعوووصوبي << شكلي سألتهم وصوتي مرتفع وانا اللي كنت افكر اني قلتها في نفسي ؟؟
ام خالد وصوتها مبحوح :: ياقلبي فقدها مثل مافقدت رغد ,
رغد ،،،،، افقدها ،،،،،،
جن جنوني جن جنوني في كل مكان مستحيل
مادري كنت واقفه والا جالسه
ميته والا حيه
ضليت ا طالع في الممر الكئيب وادور اي باب تكون ريم وراه
وكانه كان دعاء في داخلي اناجي في ربي يساعدني
فتح باب وطلعت من ممرضه وشفتها كلمت سلمي ،،
ووسلمى ردت عليها وناظرتني وقالت لي : غدير تعالي اشوي ,
مشيت بكل بساطه : نعم سلمي وش فيك ؟
سلمي : تكفين دخلي لريم ،،، امي وانا مانقدر
كانها تقول لي للنار انتي بروحك
وهزيت راسي بكل بساطه ومشيت مع الممرضه ووصلنا للباب للي من شوي طلعت منه
يارب وش قد اكره هالريحه من المستشفي
الممرضه وكانه تحاول تلفت انتباهي : لو سمحتي لاتخلينها تتكلم كثير هي قالت تبيك ؟
ريم ،،، ريم
ريم الزهرة الفراشه اللي تطير من مكان لمكان ساكنه بلا حركه على هالسرير
ريم حياتي مرميه كانها جثه هنا
<<< ريم تسمعيني
ضليت ساكته ابي ردها لي ابيها تحس اني موجوده
كانت يدي قريبه من يدها وحسيت باصباع من الثلج تمسك يدي
ريم ::: لاتبكين ،،، كم مره قلت لك الدموع لا ،،
<<< بس انا مابكي ريم يمكن ،،،،، ؛؛؛؛ سكت تعرفني لم اكذب
ريم وصوتها فيه كل انواع الضعف :: غدير ابي اموت على يدك مثل رغد ممكن ؟
سكت وناظرتها وفي هاللحظه فتحت عيونها لي وهي تقول : اخر طلب ؟ وانتي ماترفضين لي طلب؟
<<<< كيف ريم ؟ كيف تبين اودع روحي وقلبي للقبر كيف ؟
ماقدرت ارفض طلبها وجلست جنبها وحظنت رأسها لصدري وشالت يدها ومسحت دموعي
وقالت بكل رقة وطيبه :: لو مت غدير ابيك توقفين مع خواتي ابيك ماتنسين سلمي ولا خلود ولا حنان .
غدير امي لاتخلينها خلك جنبها لو انتي جنبها بتنسى اشوي فراقي وفراق رغد
<<< رغد ،،،، غمضت عيوني ورحت معها ومع رغد
ريم : تذكرين وين كنا نروح وقت العصريه لي المغرب
<<< اي اتذكر ليه هو انا نسيت لحظه شي .
ههههههههههههههههههههههههههههههه
ضحكت ضحكتها الحلوه بس هالمرة هافته من التعب اللي فيها
ريم : اتذكر لم دخلنا المسجد وقت صلاة العصر والامام كبر علشان يصلي فيهم
وانا وانتي ورغد ،،،،
رفعت راسها وقالت : مين كانت معنا نسيتها ؟
وابتسمت وطالعتها وقلت لها :: كانت معنا جميله بنت جيرانا الاولين ،
ريم : اي صح تذكرتها مو هذه اللي زواجها كان من شهرين وحضرنا زواجهاااا
ههههههههههههههههههههه تذكرين وش سوينا في زواجها
<< ريم وبعدين معك انتي بس تبين تضحكيني
ريم : اي ابي اضحكك ابي افارقك والضحكه على وجهك
<< طيب ياستي انا وروحي انا ،،،
ريم :: شئ ماستنسى هذاك اليوم دخلنا المسجد بكل براءة الطفولة ،،،،
غدير : اي براءة من شاف الفرسان الاربعه ماشاف براءة ,
ريم : اي والله صادقه ،،، وطفنا في كل المسجد ونناظر في وجه كل واحد من الرجال اللي يصلون
واستمر البحث طول الركعه الاولي لين وصلنا لشخص اعتقدناه ضلتنا ههههههه
تذكرين وش سوينا فيه كان ساجد وانتي ورغد يالله جدي قوم نبي نشتري ايس كريم يالله عطنا فلوس
غدير :ههههههههههه بس ماسمعنا ورفعووو المصلين من السجده واكتشفنا انه مو جدي وبكل براءة
قالت له رغد يؤيؤ طلت مو جدي اجلس ارجع مره ثانيه على الارض
ريم :: اي والله واستمر البحث بس بعد ماطفشنا المصلين هذاك اليوم وطلعنا كل الملل فيهم
غدير :: ولم وصلنا لجدي اشوي ويعصب منا بس م ايقدر ؛؛؛ الله يرحمه ؛؛ كان روحه وقلبه حنا الثلاث
الله يرحمك ياجدي صحيح ماكان عندك وقتها الا حفيده وحده بس الله عوضك بريم ورغد عن كل الحفيدات
ريم :: ذكريني غدير وش صار ؟
غدير :: وش صار وصلنا لجدي وحنا مصرين على الخمس ريال نبيها يعني نبيها
واشر على صدره وكانه يقول الفلوس في مخباتي بس انتظرووو هههههههه
وحنا كنا مستعجلات بقوة ومافينا صبر ننتظر الين يخلص من الصلاة //
اذكر ان رغد قالت لي يالله انتي اسجدي وانا اركب على ضهرك واخذ الفلوس من جيب جدي
وسويناها واخذنا الفلوس وطلعنا ،،، اذكر كان عيونه تقول لا لا ياغدير رجعيها
هههههههههههههههههه وطلعنا من المسجد بس بعد ايش ماسوينا بلبله في المسجد كله
ورحنا وشارينا ايس كريم وكالعاده بعد ماطلعت الصلاة كنا بنروح نشوف جدي
ونجلس معه علشان يقص علينا مثل كل يوم العصريه ؛؛
كالعادة كان جالس مع ربعه الشياب ؛؛ ريم تذكرين سال جدي عن باقي الفلوس
وبكل بساطه ردت عليه شارينا فيها ايس كريم جدي وش فيك انت
؛؛<< اللي ماكنا نعرفه ان بدل ماناخذ خمس ريال اخذنا خمسين ريال وشارينا فيها
ماقيمته خمس ريال والباقي قلنا لصاحب الدكان مانبيهم ههههههههههههههههه
سكت وتذكرت ذاك اليوم
يوم بدا بضحكه بس انختم بااقسى انواع الدموع والفراق
ناظرتني ريم وناظرتها وماقدرنا نقول ولا حرف وفي هاللحظه تذكرنا و ش صار وقتها
كانت جميلة تنتظرنا في الجهة الثانيه من الشارع
وعديتي انت بالاول وانا و راك بس وانا امشي صندلي وقع من رجلي
وكانت رغودي وراء بكل بساطه سمعت صوت غريب وماحسيت الا وفي احد يدفني بقوة
وبعدها لفيت والا اشوفها تحت السيارة
كانت رغد قدامي ريم وهي تقول لي روحي الجهة الثانيه وجيبي لي ايس كريمي
ماقدرت اتحرك ريم كل اللي شفته رغد على الارض
ورحت جنبها :::: رغد رغد
رفعت راسها وضميتها لصدري ريم
وكل اللي سمعتها منها وكاني اسمعه الحين
غدير امي وخواتي ابوي
لا
لا
هذا مو صوت رغد
هذا صوت ريم
نزلت راسي و ناظرت ريم كانت تضحك وتبكي وعيونها مفتوحه
ولمست وجهها كان بارد واصابعهااللي ماسكه يدي بارده
لا
لا
ليه هالعقاب ليه تموت في حظني مثل رغد ليه ريم وش سويت لك انا
ليه ليه تتركيني
ماكنت ادري ان صرختي سمعت كل اللي في المستشفى الا لم صحيت من الغيبوبه
بعد ثلاث ايام ؛؛
وقتها شفت امي وخواتي جنبي وانا مادري وش فيني
وكل اللي في بالي وين ريم الحين اكيد مع رغد ,,,,,
يتبع
آخر المواضيع
07-12-2006, 11:43 AM
شوك السنين
النمط المتتابع
